Dawa ya Praziquantel (PZQ) ni ya familia ya dawa zinazoitwa za kutibu maambukizi (anthelmintics). Dawa hizi hutumiwa kutibu maambukizi ya minyoo. Praziquantel huua minyoo mikubwa kwa kusababisha minyoo hiyo kuwa na misuli mikubwa na kuifanya isitembee. Baadhi ya minyoo hutolewa nje ya mwili wako kwenye kinyesi chako. Hata hivyo, huenda usiione kama minyoo kwani mara nyingi huvunjwavunjwa ndani ya matumbo. PZQ pia husaidia kupunguza uvimbe unaosababishwa na mayai ya minyoo yanayoingia kwenye tishu za mwili (ingawa makovu bado yanaweza kubaki).

Hakuna kikomo cha idadi ya mara unazoweza kutumia PZQ. Katika maeneo yenye hatari kubwa inashauriwa kwamba matibabu yaanze na kurudiwa kuanzia mtua akiwa na umri wa miaka miwili. Praziquantel inapaswa kutumiwa mara moja kila baada ya miezi 6 ikiwa unatumia au kuingia kwenye maji machafu au yaliyochafuliwa.Kuambukizwa tena kunaweza kutokea baada ya kutumia matibabu, lakini uwezekano wa kupata ugonjwa kali hupungua na hata inaweza kugeuzwa ikiwa matibabu yatatumiwa mara kwa mara kutoka utotoni.

Baadhi ya dawa hazipaswi kutumiwa pamoja. Hii ni kwa sababu zinapotumiwa kwa pamoja, zinafanya kazi kwa njia tofauti na zinaweza kuwa na athari mbaya au  hatari kwenye mwili.
Baadhi ya maingiliano ya dawa yanaweza kufanya athari za dawa unazotumia kuwa na nguvu zaidi, ambayo inaweza kukupa athari mbaya au sumu - ambapo kiwango cha dawa mwilini mwako kinapoongezeka kinaweza kusababisha madhara. Baadhi ya maingiliano yanaweza kupunguza ufanisi wa dawa unazotumia, ikimaanisha kuwa kipimo chako cha dozi si cha juu vya kutosha kufanya uendelee kuhisi vyema.
Wakati mwingine dawa zinaweza kuathiri hali zingine za kiafya ulizonazo, kwa hivyo unapaswa kumjulisha mhudumu wako wa afya ikiwa unashughulikia matatizo mengine yoyote ya kiafya, kama vile matatizo ya ini.
Mwambie mfanyakazi wako wa huduma ya afya ikiwa unatumia dawa zingine, dawa za mitishamba au una hali zingine za kiafya ili aweze kuelewa dawa hizi zinavyoweza kuathiri matibabu yako.

Hakuna chanjo ya kukukinga usipate FGS, ingawa juhudi zinafanywa kutafuta njia ya kupaya chanjo yake. Chanjo kadhaa za kichocho kwa sasa ziko katika majaribio ya kimatibabu, lakini hakuna zilizoidhinishwa kwa sasa kwa ajili ya matumizi.